Утульнасць у дэталях

10.04.2026

У рамках рэабілітацыі і творчых заняткаў падапечныя аддзялення сацыяльнай рэабілітацыі, абілітацыі інвалідаў ТЦСАН сшылі да Светлага свята Вялікадня сервіравальныя сурвэткі.

Падчас творчага працэсу хлопцы не толькі вывучылі тэхніку стварэння сурвэтак, але і атрымалі сапраўднае эстэтычнае задавальненне.

Прыемныя зносіны ў ходзе работы спрыялi стварэнню сяброўскай атмасферы, дзе кожны мог падзяліцца ідэямі і атрымаць падтрымку. Бо менавіта ў такіх момантах нараджаецца сапраўднае натхненне!

На падобных занятках хлопцы пазнаюць нешта новае, спрабуюць сябе ў розных напрамках, набываюць карысныя навыкі.

Падпішыцеся на нашы навіны