Тэрытарыяльны цэнтр сацыяльнага абслугоўвання насельніцтва Уздзенскага раёна

Аўтаномны пажарны апавяшчальнік – маленькі прыбор, які ратуе жыцця

Цікавыя факты аб пажарных апавяшчальніках

1. першы дымавы апавяшчальнік з'явіўся з-за няўдалага эксперыменту. У сярэдзіне 20-х гадоў XX стагоддзя адзін навуковец працаваў над датчыкам для выяўлення атрутных газаў. Але ў выніку няўдалага эксперыменту і адной выпаленай цыгарэты выявіў, што яго датчык рэагуе на дым.
2. АПА працуе аўтаномна ад батарэйкі і падае гукавы сігнал пры найменшым задымленні памяшкання. Узровень гучнасці прыбора здольны абудзіць моцна спячага чалавека.
3. дымавы апавяшчальнік рэагуе не на агонь і не на пах, а на драбнюткія часціцы, якія знаходзяцца ў дыме. Сам дым - гэта не газ, а завісь мікраскапічных часціц у паветры. Менавіта іх прыбор і "бачыць".
4. пыл - галоўны вораг адчувальнасці апавяшчальніка. Паводле інструкцыі, рэкамендуецца раз у месяц праходзіцца па апавяшчальніку пыласосам або прадзьмухваць прыбор фенам.
5. у некаторых краінах апавяшчальнік абавязковы для арэнды жылля і без яго нельга здаваць кватэру.
6. ёсць краіны, у якіх апавяшчальнікі абавязкова ўсталёўваюць у шафах. Напрыклад, у Сінгапуры і Ганконгу ў старых будынках і кватэрах праводка часта пракладзена ўнутры ўбудаваных драўляных шаф або ніш. Дрэва - гаручы матэрыял, і, у выпадку няспраўнасці электрычнай праводкі і кароткага замыкання, можа лёгка загарэцца.
7. сігнал пажарнага апавяшчальніка – адзін з самых вядомых гукаў у свеце. Ён стандартызаваны так, каб мозг імгненна ўспрымаў яго як пагрозу: рэзкія імпульсы, паўза, паўтор.

Ратавальнікі звяртаюць увагу: многія пажары ў жыллi ўзнікаюць ноччу. Вось некалькі простых рэчаў, якія неабходна рабіць кожны вечар, каб зберагчы сябе і сваю сям'ю ад пажару:

• адключыце ўсе электрапрыборы, не прызначаныя для пастаяннай работы;
• выключыце ўсе газавыя прыборы;
• пераканайцеся, што вамі не пакінутыя цьмеючыя цыгарэты;
• адключыце часовыя награвальнi.

Набыць незаменны прыбор можна ў любой гаспадарчай краме або Інтэрнэце. Кошт аўтаномнага пажарнага апавяшчальніка зусім невялікi, асабліва ў параўнанні з карысцю, якую ён можа прынесці. Не эканомце на ўласнай бяспецы. Памятаеце, жыццё даражэй!!!